Asiantaeth yr Amgylchedd - cartref

Cynllun Rheoli Asedau 2011-2015

Mae ein Cynllun Rheoli Asedau wedi’i ddiweddaru yn esbonio ein hymagwedd at reoli asedau sy’n lleihau’r perygl o lifogydd oherwydd y môr a phrif afonydd.

Bydd rheoli ein hasedau perygl llifogydd yn effeithiol yn sicrhau eu bod mewn cyflwr da, ein bod ni'n gwario arian cyhoeddus yn effeithiol, a bod cartrefi ac eiddo'n cael eu diogelu'n well rhag llifogydd.

Mae ein Cynllun Rheoli Asedau yn disgrifio'r egwyddorion y byddwn ni a'n partneriaid yn eu dilyn i reoli ein hasedau presennol a'r rheiny byddwn yn eu hadeiladu yn y dyfodol.

Trwy ddefnyddio'r cynllun, ein nod yw:

  • sicrhau bod ein hasedau sydd mewn ardaloedd â pherygl uchel o lifogydd, yn cael eu cynnal ar y safon ofynnol neu uwch, a'u bod yn cael eu gweithredu’n ddiogel;
  • darparu'r gwerth am arian gorau ar gyfer pob punt sy'n cael ei fuddsoddi;
  • gwella ansawdd dŵr yr afon a'i gynefinoedd;
  • lleihau effaith rheoli perygl llifogydd ar yr amgylchedd.

Mae'r cynllun yn amlinellu sut byddwn yn:

  • gweithio gyda'n partneriaid;
  • blaenoriaethu cyllid ac adnoddau ar gyfer cynnal ein hasedau;
  • cynllunio asedau cadarn, diogel a gwerth am arian gorau;
  • datblygu sgiliau ar draws y diwydiant i leihau perygl llifogydd mewn modd diogel ac effeithlon a fydd hefyd o fudd i'r amgylchedd.